踢澳職兼教柬埔寨 本田圭佑做新款球員兼教練

世盃後宣佈退出日本國家隊,再由墨超轉戰澳職墨爾本勝利嘅中場本田圭佑,禮拜日又有新搞作,宣佈將會出任柬埔寨國家隊嘅首席代表,不過工作本質上係呢支世界排名166位嘅國家隊教練,成為首位職業球員同時兼任國家隊教練職務。
上星期先至落實加盟澳職墨爾本勝利嘅本田圭佑,仲未幫新東家地標就再有驚人舉動。周日佢就宣佈將會出任柬埔寨國家隊嘅首席代表(Head of delegation),負責國家隊嘅公關同戰術調配等職務。雖然柬埔寨將會繼續由阿根廷籍嘅菲力斯干沙利斯擔任「教練」一職,不過實際上嘅教練工作則會由本田全權負責。

関連記事




ページ上部へ戻る